නිදුක් බලන කට්ටිය

2011/05/18

අපි තවත් ප්‍රමාද වෙමු ද?

අප මේ සම්පූර්ණ කලේ අප මහා ගෞතම බුදු රජාණන් වහන්සේ ගේ සම්බුද්ධත්වයෙන් දෙදහස් හයසීය වැනි වසරයි. අප්‍රමාදීව අකුසලයෙන් වැලකී, කුසලෙහි යෙදී සිත පහදවා ගන්නැයි භාග්‍යවතුන් වහන්සේ දේශනා කලද, අපි තවමත් අකුසලයෙන් වැලකෙන්නට ප්‍රමාදීව වෙසෙමු. කුසලයෙහි යෙදෙන්ටත් සිත පහදවා ගන්ටත් බෙහෙවින් ම ප්‍රමාදීව වෙසෙමු. තවත් ඉතින් ප්‍රමාද වෙමු ද?

ජීවන දර්ශනය

බෞද්ධ ධර්ම තුල ඉතා නිරවද්‍ය ජීවන දර්ශනයක් අන්තර්ගතව තිබෙන බව සත්‍යයක් බව සෑම බෞද්ධයාම පාහේ පිලිගනියි. එසේ නම් එබඳු උතුම් ජීවන දර්ශනය අප අනුගමනය නොකරන්නේ මන්දැයි අප අපෙන්ම ප්‍රශ්ණ කල යුතුය. මිහිඳු මාහිමියන් ලංකාවට මේ උතුම් දර්ශනය ගෙන එන විට අප වෙත තිබූ දර්ශනය එතරම් හොඳ එකක් වන්නනට නුපුළුවන. රජු විනෝදයට සතුන් මැරූ බැවින් ම ඒ බැව් තහවුරු වේ. තව තවත් මිථ්‍යා ඇදහිලි, පුද පූජා ආදිය ද තිබෙන්නට ඇත. ඉන්දියානු ආක්‍රමණ නිසා මෙන්ම ලක් රජවරුන්ට මලබාර්, වඩිග බිසොවුන් ගෙන්වීමෙන් ද, රජ පෙළපත නායක්කර් වංශිකයන් අතට මාරු වීමෙන්ද අපගේ ශ්‍රේෂ්ඨ බෞද්ධ දර්ශනය කිලිටි වන්නට ඇත. ඒ බැවු බෞද්ධ සංස්කෘතියේ ප්‍රධානතම අංගයක් වූ පන්සල් තුල දේවාල ඉදි කැර තිබීමෙන් ම පැහැදිලි වේ. ඉන් අනතුරුව මෙහි පැමිණි පෘතුගීසි, ලන්දේසි හා ඉංග්‍රීසින්ගේ අවිනීත හැසිරීමෙන්, මස් මාංශ අනුභවයෙන්, දුම් වැටි භාවිතයෙන්, මත් පැන් භාවිතයෙන් ආදී වශයෙන් වූ දුශ්චරිතයන්ගෙන් දූෂිත වූ අප බොදු දර්ශනය අද වන විට ලෙහා ගන්නට බැරි නූල් බෝලයක් වී ඇතැයි මට හැඟේ. එය එතරම්ම පැටලී ඇත.
අද අපගේ පුවත් පතක් විමසීමෙන් බැලුවහොත් මේ කරුණු ප්‍රත්‍යක්ෂ වනු ඇත. වශී ගුරුකම් දැන්වීම් අතර ප්‍රධානම දැන්වීම වේ. ප්‍රධාන පුවත් අතර බීමත් කම නිසා සිදු වූ අනතුරක් හෝ කලබගෑනියක් හෝ නොවන්නේ කලාතුරකිනි. නොමනා හැසිරීම්, ස්ත්‍රී දූෂණ, මිනීමැරීම් නිරන්තරයෙන් ඇති පුවත් ය. සිත නොසන්සුන් කරවන මෙබඳු දැන්වීම් හා පුවත් වලට මුල මිථ්‍යා දෘෂ්ඨිය හා දුශ්චරිතයන්ය.

නූල් බෝලය ලෙහමු

අප තවත් ප්‍රමාද වන්නේ නැතිව මේ නූල් බෝලය ලෙහුවේ නැති නම්, අපේ පොඩ් එවුන්ටද මේ නූල් බෝලයේ පැටැලෙන්නට ම සිදු වනු නොඅනුමානය. පිරිසිදු බොදු සංස්කෘතියක් නැවතත් අප ඇති කල යුත්තේ එහෙයිනි. එය වෙනත් ආගම්, වෙනත් ජාතීන් කෙරෙහි වූ ක්‍රෝධයෙන් නොව අප කෙරෙහිම වූ අනුකම්පාවෙන් අප කළ යුතුය.



වෙනත් රටවල් වලින් පැමිණි මිථ්‍යාවන්ගෙන් මිදෙමු.
ü      වශී බන්ධන, ගුරුකම් අත් හරිමු.
ü      දේව වන්දනාවෙන් මිදෙමු.
ü      නිමිති, සාස්තර මඟ හරිමු.
ü      ජ්‍යෝතිශාස්ත්‍රය පසු පස නොයමු.

අපිම තනාගත් මිථ්‍යාවන්ගෙන් මිදෙමු.
ü      බුදු බණෙන් කරන ගුරුකම් අත හරිමු
ü      සීවලී පිංතූරය, සීවලී යන්ත්‍රය ඇත්නම් සෞභාග්‍යය උදාවන්නේය යන මුලාව අත හරිමු.
ü      ලෝකෙට පරකාසය පෙන්වන වෙසක් කූඩු, තොරණ ආදිය තුලින් බොහෝ කුසල් රැස් වේ යැයි යන මුලාවෙන් මිදෙමු.

වෙනත් අයගෙන් පුරුදු වූ දුෂ්චරිතයන්ගෙන් මිදෙමු.
ü      මත් පැන් පානයෙන් මිදෙමු.
ü      දුම්වැටි උවදුරෙන් මිදෙමු.
ü      මස් මාංශ අනුභවයෙන් මිදෙමු
ü      අසංවර ඇඳුම් ආයිත්තම් වලින් නොම සැරසෙමු.
ü      දෙමාපිය වැඩිහිටියන් හට අගෞරව නොකරමු.

අපට මේ ටික කරන්නට හැකි වුනොත් නූල් බෝලයෙන් වැඩි හරිය ලෙහා ගන්නට අපට හැකි වනු ඇත. එහෙම වුණොත් අපට ඇත්තේ පිරිසිදු බොදු දර්ශනයේ රැකිය යුතු පිළිවෙත් රකින්නට පමණි. එහෙම වුණොත් අඩු තරමේ අපට ගෞතම බුද්ධ රාජ්‍යය තුලම සසර දුකින් අත් මිදිය හැකිවනු ඇත. අප්‍රමාදීව කුසලෙහි යෙදී, අකුසලෙන් වැලකී, සිත් පහදවාගමු. ඔබ සැමට තෙරුවන් සරණයි!

මේ ලිපිත් කියවලා බලන්න


දුෂ්චරිත (දුසිරිත්)




ඔබේ අදහසත් ලියලම යන්න.....

7 comments:

  1. බොහොම හොද වැඩක්.කරගෙන යන්..තෙරුවන් සරණයි!

    ReplyDelete
  2. @LKC
    දිරිමත් කිරීමට බොහොම ස්තුතියි සහෝ... තෙරුවන් සරණයි!

    ReplyDelete
  3. බොහොම වටිනා කාලෝචිත කාර්යයක්.බුදුන් පහලවෙන්න පස් මහ බැලුම් බලන කාලයක නම් කෙදිනකවත් මෙලොවට මෙකලනම් පහල නොවනු සත්තයි. ථේරවාද බුදුදහමින් සුපෝෂිත අපේ රට අද හරියට බුදුන් දෙසූ ධර්මය අදහන්නේ මිත්‍යා හා ස්වයං චින්තා වලට අදාලව විතරය. ඒකෙන් නිරාමිස ප්‍රීතයක් ලබන්න බැරි බව දැන දැනම වගේ. කොහොම වුනත් හෙට ලොවට රැගෙන යායුතු දේ රැගෙන යන්න මග හැරිය යුතුදේ මග හරින්න කියාදෙන්නට මගේ සුබ පැතුම් ඔබට

    ReplyDelete
  4. බොහොම වැදගත් ලිපියක් ..........

    ReplyDelete
  5. අගෙයි. දන්න සිංහලෙන් මේ වගේ කිවාම සරල හිතකින් යුත්ව තේරැම් ග්නන ඇහැකි. පින්...

    ප.ලි. අනේ මේ word verification code එක අයින් කරන්න. ලේසියි එතකොට කමෙන්ට් කරන්න.

    ReplyDelete
  6. @ජනරඟ විජඉදු දේවසුරේන්ද්‍ර
    ඔවු. අපිට එක පාරම ලොකූ වෙනසක් කරන්න බෑ. ඒත් ටිකෙන් ටික මේ අවුල ලෙහන්න උත්සාහ කළොත් බැරිවෙන එකකුත් නෑ. ඔබට බෙහෙවින්ම ස්තුතියි සහෝ...

    ReplyDelete
  7. @කල්හාර
    බොහොම ස්තුතියි දිරිමත් කිරීමට
    @රතී
    මගේ උත්සහයත් ඒකයි... ස්තුතියි
    සමාවෙන්න වැරදීමකින් word verification activate වෙලා තිබුණේ... දැන් හරි.

    ReplyDelete

ඔබේ අදහස බොහො වටී මට